DONUTS DE CHOCOLATE

  Ingredientes:

  Pa la masa:
-1 kg de farina
-20 g de levadura de panadería
-1vasu de lleche tibio
-3 güevos
-80 g d'azucre
-100 g de manteca
-1 cuyaradina de sal

  Pa la cobertoria de chocolate:
-200 g de chocolate pa fundir
-200 ml. de nata llíquido
-75g de manteca

  Preparación:

  Nun bol, entemecemos la levadura, la lleche y un poco de farina. Dexamos reposar 12 o 15 minutos. Pasáu esti tiempu, amestamos los güevos col azucre, la manteca y el sal. Removemos too perbién y adulces vamos amestando la farina, mientres siguimos removiendo, hasta llograr una masa nidio.

  Tenemos de dexar reposar la masa de los donuts de chocolate, hasta que doble'l so volume. Cuando algame esti volume, vamos espurrir la masa hasta dexala d'una grosez másima de 2 cm. Pa facer la forma de los donuts de chocolate vamos usar un vasu pa cortar la masa.

  Otra vegada que tenemos que dexar la masa reposar, ponémosla sobre papel d'enfornar hasta que doblen el so volume.

  De siguío, vamos tostar la masa de los donut de chocolate nun sartén con abondosu aceite, a temperatura medio. Dámos-yos la vuelta con munchu curiáu pa tostar pelos dos llaos, procurando que nun se deformen. Cuando tean bien fechos per dambos llaos, dexámoslos reposar sobre un papel absorbente pa qu'esmuza l'aceite sobrante.

  Pa facer la cobertoria de chocolate pa los nuesos donuts, nun cazu, echamos el chocolate pa fundir al pie de la nata llíquido y un poco de manteca. Cuando'l chocolate algame la testura deseyada, echámoslo sobre los donuts y dexamos esfrecer pa que queden cruxientes.

ROSQUÍES CON ANÍS

  Ingredientes:
-2 güevos
-100 g d'azucre
-3 cuyaraes d'aceite d'oliva
-3 cuyaraes de lleche
-arrayadura d'un llimón
-1 sobre de levadura
-400 g de farina
-anís
-canela

  Preparación:

  Nun bol, vamos entemecer bien tolos ingredientes hasta que nos quede una masa bien homoxéneo. Dempués vamos facer una especie de círculu cola masa, cola forma de les rosquíes. Una vez que les tengamos toes preparaes, vamos a freiles con abondosu aceite nun sartén. Sacámosles y secamos perbién caúna de les rosquíes con papel de cocina. Pa finar podemos espolvoriales con azucre penriba.

LA MAR

  Ye un programa qu’amuesa’l llabor diariu nos pueblos y villes de la costa asturiana. Los pescadores y marineros, la industria conservera artesanal, les rederes o los mariscadores son los protagonistes d’esti espaciu, presentáu por Rafa Busta. Cada selmana, el programa dedícase a ún de los puertos asturianos p’averase a la realidá tanto del so paisaxe como del so paisanaxe. 

  L’espaciu busca la complicidá del espectador, que va poder conocer los fondos marinos y hasta sobrevolar la mariña gracies a les imáxenes aérees de cada capítulu. En De la mar tienen acoyida la pesca, el medioambiente, les actividaes deportives y la cultura popular.

Agents of S.H.I.E.L.D

   Agents of SI.H.I.E.L.D ye una serie estadounidense que s'emite na ABC y básase na organización del mesmo nome. Ta producida por Marvel Estudios.

  PRIMERA TEMPORADA:
  El resucitáu axente Phil Coulson forma un equipu de fuerces especiales de S.H.I.E.L.D. pa lluchar escontra diverses situaciones nun mundu pobláu de superhéroes, alieníxenes ya histories inusuales. Establecen la so base d'operaciones nun avión nomáu "el Bus" y entamen buscando'l rastru de Mike Peterson, un home que consiguió escapar de la esplosión d'un edificiu y d'un grupu de hackers activistes, que llograron acceder a información confidencial. Skye, un miembru d'esta organización alvierte a Peterson sobre S.H.I.E.L.D. pa llueu ser capturada por Coulson y el so equipu col oxetivu d'interrogala. Anque reticente, Skye acaba collaborando con S.H.I.E.L.D y xuntos descubren que a Peterson suministráron-y un compuestu que-y da superpoderes pero fai'l so cuerpu inestable. A partir d'esi momentu, Skye acepta ayudar al equipu de Coulson a averiguar les intenciones del misteriosu grupu que ta tres de les investigaciones col sueru.

                                                                  PERSONAXES:

  Coulson

  May

  Skye

 Grant Ward

  Fitz

  Simmons

  Peterson

L'INTERNÁU

  Marcos (Martín Rivas) y Paula (Carlota García) son dos hermanos gallegos a los que los sos padres desapaeciéron-yos n'alta mar, los dos hermanos ingresen nel internáu Laguna Negra baxo la tutela del so director Héctor de la Vega (Luis Merlo). Ellí entamen a pasar coses estrañes y macabres muertes y paez que Paula de malpenes 6 años ta nel centru de too cuanto pasen les coses. Hai un ser estrañu que anda pela viesca, personaxes que nun son los que dicen ser o que saben más de lo que paez: desapaiciones, animales mutantes, unos prietos pasadizos qu'escuenden la verdá, muertes, cadabres y l'apaición de la ma de Marcos y Paula. Pero non solo se centra nesto, hai munches más histories dentro del internáu.

  PRIMER TEMPORADA:

 Marcos llega al internáu de la mano de la so hermana pequeña Paula, tamién ye nueva María (Marta Torné) qu'entra como llimpiadora.

 Alfonso (Francisco Merino) confía en Vicky (Elena Furiase) y Carol (Ana de Armas) pa conta-yos un secretu: l'internáu ye peligrosu y tienen que salir d'ellí como sea, por eso queda con elles pela nueche nel cementeriu prósimu al edificiu.

 Elles dícen-yos a Iván (Yon González,) Roque (Daniel Rutuerta), Cayetano (Fernando Tielve) y Marcos qu'entamen a investigar en secretu la desapaición de cinco alumnos del antiguu orfanatu (al final d'esta temporada descubren el cadáver d'estos cinco neños y d'Alfonso nos subterráneos del colexu).

  SEGUNDA TEMPORADA:

 La muerte de Cayetano despertó  más l'interés de los xóvenes por saber quien s'escuende per detrás de tolos asesinatos que tuvieron llugar nel internáu, sobre too pa Roque, el meyor amigu del chaval muertu y tamién la última persona cola que faló.

 Llega un nuevu profesor de matemátiques, Mateo (Alejandro Botto) y una xoven bastante conflictiva, ella ye Julia (Blanca Suárez), que va pal internáu depués d'haber mantenio una rellación sentimental col so padrastru.

 Elsa ta embaranzada de ximielgos y descubre qu'ella tien un hermanu qu'anda perdíu pela viesca, pero con ayuda de los recuerdos de Jacinta ( Amparo Baró) saben que foi ella que lu escondió cuando yera xoven pa protexer la so vida. Esti ye'l llamáu "Gnomo",  l'amigu de Paula. Elsa cuando va al alcuentru del so hermanu asústase y pierde a los ximielgos, l'hermanu llévala hasta l'internáu pero cuando ta llegando mátenlu a tiros.

 TERCERA TEMPORADA:

 Iván mató al contactu de Fermín cuando esti apuntaba a María con una pistola. El xefe de Fermín piensa qu'esti traicionáralu  marchando col Trípticu de la Epifanía y mandó a Nora (Mariona Ribas) al internáu como profesora d'historia pa que lu vixile.

 Los xóvenes piensen que Héctor ye'l culpable de too, pero danse cuenta de que nun ye cierto al averiguar que él tuvo ente'l grupu de güérfanos que como ellos investigaben lo que pasaba ellí.

 CUARTA TEMPORADA:

 Fermín ta ansiosu por descubrir quien foi l'asesinu del so pa yá que sabe que ta nel internáu. A lo llargo de la temporada dase cuenta de que'l so pa mató a tres de los fundadores del Proyectu Xéminis.

 Al internáu lleguen per un llau Martín ( Ismael Martínez) y el so fiu Lucas (Javier Cidoncha) que tán fuxendo yá que Martín escapó col so fíu a espaldes de so ma.

 QUINTA TEMPORADA:

 Rebeca investiga xunto a Fermín los nazis del institutu. Hugo dase a conocer como ún de los accionistes de la empresa Ottox xunto a Noiret y Camilo.Tanto Fermín y Rebeca comoy los xóvenes descubren baxo la hermita una sala de reuniones con una esvástica, ellí ye onde los ocho fundadores nazis s'aconceyen y onde Camilo muerre quemáu.

 TEMPORADA FINAL:

 L'exércitu rodea l'internáu col proyectu NRBQ y nun dexen salir a naide yá que ye una cuarentena.Toos acaben contaxiaos por un virus y ensin medicines al descubrir que too ta en manes d'Ottox y que'l coronel Araujo ta al mandu de tola cuarentena y ye ún de los nazis y fundador del Proyectu Xéminis, Fermín alcuéntrase en peligru n'ocasiones, los xóvenes descubren que Roque ye'l traidor, Elsa muerre y alcuentren a dalguna familia de los fundadores del Proyectu Xéminis.

EL PARCHÍS

El parchís ye un xuegu de mesa que ye mui popular n´España.
Xuégase con un dau y cuatro fiches pa cada xugador (de 2 a 4, anque tamién hai tableros pa 6 y pa 8).
L'oxetivu del xuegu ye que cada xugador lleve les sos fiches hasta la salida de meta, intentado comese pel camín a los demás. Trátase de tirar el dau y colo que te salga vas tirando p'alantre.
Les normes son mui cencielles:
     - Pa sacar de casa tienes que tener un 5.                       
      -Col 6 tires otra vez.
     - Si saques tres 6 vas pa casa.
     - Con 6 abres la barrera.
     -Les barreres solo se puen facer col mesmu color.
     -Naide pue saltase una barrera.
     - Si les tienes toes fuera casa cuntes 7 envede 6, y si tienes en casa cuentes 6.
     - Cuando comes cuentes 20.
     -Cuando metas en casa cuentes 10.

  Equí n´Asturies  xuégase muncho al parchís, tol mundu diz que ye un xuegu de vieyes pero a mi nun me paez asina, porque a mi préstame muncho xugar al parchís.
  N´Asturies pel branu cada fin de selmana hai les fiestes de prau de dalgún pueblu, el sábadu suel haber orquestes y el domingu o el vienres ye'l día de xugar al parchís, ye un campeonatu nel que tu apúnteste cola to pareya de xuegu, pagues 10 euros por persona y xuegues partíes hasta´l final y llueu ganes el dineru de tola xente que s'apuntó.
  Suel haber 3 premios, pa los 3 primeros, y ye dalgo que presta facer porque tas pasásndolo bien y pa encima ganes perres.

    

TARTA DE GALLETES Y NOCILLA

INGREDIENTES

-1 llitru de lleche
-1paquete de galletes cuadraes
-1 vasu nocilla 250 g
-manteca 200 g

PREPARACIÓN

PASU 1 Pon la lleche nun bol pa moyar les galletes.

Prepara una fonte onde dir poniendo les capes de galletes.

PASU 2 Entemez nun bol la nocilla cola manteca (hasta que nun se vea nada blanco).

Moyar les galletes na lleche (curiáu de que nun se desfaigan).

PASU 3 Pon una base na fonte de les galletes moyaes. Cubre con nocilla. Otra capa de galletes, otra de nocilla. Asina hasta acabar cola crema y les galletes.

PASU 4 Nun poner muncha capa de la crema que si non depués cansaría.

Cubre bien los cantos que nun se vean les galletes y adorna al to gustu.

BOMBONES DE CHOCOLATE

INGREDIENTES:
   capa esterior:
        40 g de chocolate negro
    rellenu:
          200 g de chocolate blanco
          50 g d'almendra molía
          60 g de manteca
          70 g d'almendra picada
          50 g de galleta molía

ELLABORACIÓN:
Entamamos pola capa d´afuera, pa la cual hai que fundir el chocolate, hasta que quede llíquido.
Ponemos una cuyaradina de chocolate en cada molde  y dexamos un  poco pa pintar los llaos.
Dámos-yos vuelta a los moldes y metémoslos nel conxelador.
Agora vamos al rellenu de los bombones, picamos el chocolate blanco y amestamos la manteca, fundímoslo.
Echamos l'almendra molío, el frutu secu picáu y la galleta molía, revolvémoslo bien y metémoslo nel congelador, una vez ya duros, añadimos otra capa del chocolate negru per enriba  pa tapalos.
Metémoslos una hora al conxelador y ya tán llistos los bombones caseros.

LOS BERRONES

 Los Berrones son un grupu de rock asturianu formáu por Ramón Blanco, Olegario Méndez y Rubén Buelga a finales de 1980, son consideraos como los creadores del grupu agro-rock, canten n'asturianu y el so grupu caracterízase pola naturalidá y espontaneidá de la so música, les sos actuaciones y les sos lletres nes que siempre ta presente l'humor irónicu.
 Tienen el so orixe na pequeña llocalidá de Tolivia nel conceyu Llaviana, onde nacieron y viven los sos dos componentes. A pesar de que la formación ta actualmente integrada por Ramón Blanco y Olegario Méndez, el grupu complétase durante los conciertos cola collaboración de Xulio Gilsanz na guitarra y Chema Fombona na batería.

 Discografía:

• Voy dicítelo (Fechu n'Asturies) - km 444, 1989

1. La de les vacaciones
2. La de la escuela
3. Tiénesme apolmonáu
4. Nun yes tu
5. Pasamos del porro
6. La del borrín
7. Tais de yogur
8. La de Sindo el cabreru

• Si rompe, que rompa - Pasión, 1990

1. Chacho
2. Borrachón
3. La del estudiante
4. Como un perru ensin amu
5. La del tiempu
6. Nun yes tu
7. Toi fechu caldo
8. Vagu sempiternu
9. La del llágrima

• ¿Lo tuyo cómo ye? - Pasión, 1992

1. La de la tele
2. Manolo, por favor
3. Un mundu de llocos
4. Dar siempre la cara
5. Toi sanu
6. ¿Lo tuyo cómo ye?
7. La pensionista
8. La clave setenta
9. Soi un inútil total
10. Los del bote Pelargón

• No, home, non - Zafiro, 1993

1. Doite un güevu
2. Animal del disco-bar
3. Ponte en postura
4. Ente les fabes
   
   
5. No, home, non
6. Agárrate al mangu
7. Compra una consola
8. Nun me cuentes batalles
9. Igual tu que yo
10. El mio pueblu
11. Como Prince (tema extra en edición CD)
12. Beverly Hills (tema extra en edición CD)

• Da-y fuerte - Boomerang Discos, 1998

1. Polo
2. Un sinvergüenza
3. Nun me toques les campanes
4. Calcar na tená
5. Sé d'un llugar
6. Venti años
7. Yá la caguemos
8. Amor ciegu
9. Solitariu
10. País tropical
11. Le grand cochon
12. Mierda pa ti

• 10 años berrando - Santo Grial Producciones, 1999

1. Chacho (nueva versión)
2. Nun yes tu (nueva versión)
3. La de la escuela (nueva versión)
4. Calcar na tená
5. La de les vacaciones (nueva versión)
6. ¿Lo tuyo cómo ye? (nueva versión)
7. Agárrate al mangu
8. Nun me toques les campanes
9. Manolo, por favor (nueva versión)
10. Doite un güevu
11. El mio pueblu
12. La de la tele (nueva versión)
13. La de Sindo'l cabreru (nueva versión)
14. La del estudiante (nueva versión)
15. Le grand cochon
16. Chacho (versión agro-house)

• República Independiente de Tolivia - Santo Grial Producciones, 2003

1. Mentires
2. ¡Qué guapa yes!
3. A cabruñar
4. País de pandereta
5. Suañaba yo
6. ¡Cuántos queden pel camín!
7. Amor de mil duros
8. A dos nenos
9. Calamocanu
10. Esa atrocidá llamada amor
11. Les calentures
12. Puente sobre agües braves (versión de Bridge over troubled water de Simon and Garfunkel)

LELE PONS

  Lele Pons ye una estudiante estadounidense con descendencia italiana por parte de pá y venezolana por parte de ma.Vive en Miami, Florida. Ye conocía n'internet por facer videos de risa colos sos amigos, familia y delles veces hasta de sí mesma y duren 7 segundos.

  Estos videos súbelos nuna aplicación que se llama "Vine" y ye famosa pa los amantes de la comedia y de la risa. Lele Pons cuenta con más de 7 millones de siguidores y más de 100 millones vieron los sos videos. Otros artistes famosos de "Vine" son Curtis Lepore y Steve Aoki.

Los meyores vines de Lele Pons:

BÚDIN

INGREDIENTES:

- 1 llitru de lleche

- 350-400 g de pan vieyo

- 4 güevos

- 250 g d'azucre

- l'arrayadura o esencia d'un llimón

- esencia de vainilla (opcional)

- manteca

PREPARACIÓN:

1- Trocear el pan.

2. Amestar el pan troceao a la lleche que ha de tar templada y dexar remoyar un par d'hores.

3. Una vez que'l pan té remoyao amestamos los güevos batíos,  l'azucre y l'arrayadura de llimón, o vainilla si vos presta más. Si queréis amestar manteca, facelo en puntu pomada (semiderretía).

4.  Preparamos la nuestra budinera encarambelada (pal caramelu usar 5 cuyaraes d'azucre) y entornamos ellí la nuestra preparación.

5- Llevamos a fornu mediu de 190º a bañu maría más o menos una hora.

6- Dexamos enfriar, desmoldamos y llistu, ¡a disfrutar!

Equí déxovos un vídeu pa que lu miréis.

DÍA DE LES LLETRES ASTURIANES

  Ayer vienres, los alumnos de 1º y 3º de la ESO fueron a recoyer unos premios al CP Manuel Martínez Blanco en Xixón con motivu de la Selmana de les lletres asturianes. Estos son dalgunos momentos de la mañana:

  Y un videu curtiu onde salen dos d'ellos falando (Noticies TPA):

NOTICIES CANAL 10

(La edición de les noticies del día 8 de mayu)

POROTO CON QUESU

  INGREDIENTES:
-1/2 kg de poroto coloriáu o marrón
-1 ramín de perexil
-1 cebolla
-2 tomates
-3  dientes d'ayu
-1 ramu de cebolla de verdeo
- sal y pimienta a gustu
- 1/4 de quesu y aceite pa freír

  PREPARACIÓN:
  Primero dexar a remoyar el poroto durante la nueche, llueu cambiar l'agua enantes de ponelo a ferver durante 2 hores a fueu lentu, mientres ponemos a freir el tomate, la cebolla y l'ayu hasta que doren. Una vez frito amestamos el poroto y ponemos a freir durante 5 minutos más, echamos 2 taces d'agua y dexámoslo ferver 30 minutos más. Incorporamos el perexil y el ramu de cebolla de verdeo, llueu el quesu y llisto, yá tenemos un bon platu de poroto con quesu. Y si queréis podéis amesta-y fideos.

EL POROTO CONSÍGUESE NOS LOCUTORIOS:

VIS A VIS

  Ye una serie de televisión qu´empezó nueva agora na 3 que trata d´una  neña xoven que namoróse d'un home equivocáu, casáu,con fios...
  El prometía-y que diba a dexar a la muyer, pero nunca lo facia, el día que decidió facelo pensó que diba a quitá-ylo too, diba a quedase cola casa, los fios y tol dineru.
  Entós esta neña dixo que nun yera xusto, porque eses coses yeren d´él y fixeron un plan pa sacar  tol dineru de la empresa a nome de l'amante, pero eso ye delitu y él dexóla tirada y marchó con toles perres. A ella metiéronla na cárcel y ellí tan pasando-y una riestra de coses porque ella tien información de les recluses y tien qu'acusar a una d'elles, toes tán en contra d'ella, llámenla sapu (qu'asina llamen a les chivates). Ella necesita perres pa poder salir de ehí, cola bona suerte que a la compañera de celda a la que mataren les otres recluses taba encarcelada por robar munchos millones, perres que nin la policía nin naide nunca alcontró.
  Elli cultiven güertos y la reclusa que foi asesinada escondiera una tarxeta SIM nel güertu de la rapaza que contenía la información d'ónde  taba'l dineru escondíu, entós esta mandó-y les semeyes al pá pa que fuera en busca d'esi dineru pa pagar la fianza y poder salir d'ellí, pero veremos lo qu'asocede, porque hai muncha xente tres d'esi dineru...

TARTA GÜESITO

Ingredientes:
2 bolses d'oblees redondes
3 botes de nutella o 2 de nocilla casera


Preparación:
1-Calecemos agua nun recipiente, introducimos nel agua los botes de nutella o nocilla tapaos. D'esta forma la crema de chocolate va faese más llíquida y va ser más bono d'estender.
2-Asitiamos la primer oblea y ponemos un poco de crema de chocolate nel centru, ensin estender.
3-Ponemos la segunda oblea y esta sí que la untamos bien de crema de chocolate.
4-Repitimos la mesma operación tantes capes como queramos que tenga la tarta.
5-Cuando llegemos al altor deseáu, estendemos crema de chocolate pelos llaos.
6-Dexamos enfriar na nevera un mínimu de 1 hora.

BIZCOCHU DE YOGUR

  Ingredientes:
- un yogur, sabor a escoyer (l'envase va usase como midida pa los otros ingredientes)
- güevos, 4 grandes
- 1 sobre de levadura
 -farina, 4 vasos de yogur
- aceite d'oliva, vasu y mediu de yogur
- azucre blanca, tres vasos y mediu de yogur

  Preparación:

  El bizcochu de yogur ye una de les recetes de bizcochos caseros más conocíes y emplegaes. Conozse con esi nome por dos motivos: primero porque s'emplega yogur pa facelu y segundo porque se prepara usando los ingredientes midíos col vasu d'esi yogur. El sabor del yogur pue ser el que se quiera, anque lo más habitual ye emplegar unu natural o de llimón, nós probamos inclusive con unos de frutes de la viesca, y quedó mui ricu. Vamos yá a detallavos cómo preparalu en casa, vais ver que cenciellu resulta.

  Ponemos el fornu a 180ºC con calor enriba y embaxo pa que vaya coyendo esa temperatura mientres preparamos la masa del bizcochu. Ye siempre interesante facer esto cuando vayas a enfornar un bizcochu. 

  Nel vasu de la batidora vamos dir echando los güevos, el yogur, l'azucre y l'aceite d'oliva, y batimos bien, cola batidora tradicional, con barilles o como queráis. Cuando tengáis esi amiestu bien fechu, vamos amestando la farina y la llevadura amestaes adulces y ensin dexar de batir. Nun dexéis grumos de farina, la masa tien que quedar fina. 

  De siguío vamos escoyer un molde afayadizu pal bizcochu. Si usáis ún de silicona, podéis verter yá la masa nel mesmu, pero si nun lo ye, debéis engrasar les sos parés y base con manteca y dempués espolvoriscar farina. Faemos esto pa que nun s'apegue'l bizcochu y se desmolde fácilmente. Metemos el molde escoyíu cola masa arramada nel mesmu y bien estendía y dexamos enfornar 40 minutos más o menos. 

  Enantes de sacar el bizcochu del fornu hai que comprobar con un cuchiellu o pinchu que l'interior ta bien fechu. Si sal llimpiu ye porque yá ta llistu, y si sal con restos, hai que dexalu enfornar un poco más. Tenéi cuidáu de que nun queme per fuera, si veis que ta bien escuru, dexái'l fornu col calor namás perbaxo. 

  Cuando lu saquéis del fornu, dexalu que temple a temperatura ambiente y dempués desmoldalu y dexalu enfriar del too enantes de servilu. Pue comese asina o bien amestar dalgún otru complementu como pue ser mermelada, chocolate o miel.

EL PRÍNCIPE

  El Príncipe ye una serie de Telecinco que s'asitia nel barriu del mesmu nome en Ceuta y que se caracteriza por ser una serie policíaca onde se trata'l tráficu de drogues, atentaos yihadistes y asesinatos. La serie cuenta con Alex González, que fai de Javier Morey, un espía infiltráu na policía d'ellí col oxetivu de descubrir quién manda en AKRAB, una organización de musulmanes que persuaden a neños pa que s'inmolen en nome d'Alá. Pero namás llegar namórase de Fátima, que-y cuenta que'l so hermanu desapaeció va 3 meses y que la policía nun ta faciendo nada p'alcontralu. Al final, descubre que ye miembru d'Akrab y nel últimu capítulu de la primer temporada l`hermanu de Fátima va nun bus en dirección al ferry a inmolarse y la policía dase cuenta, asina que paren l'autobús nel puertu. Entós la so hermana Fátima tenta de convencelu pa que nun s'inmole y paez que lo consigue, pero al ver que taben desactivándo-y la bomba vuelve a ponese nerviosu y enantes de que se pueda inmolar Morey péga-y un tiru na testera pa impedilo. Estes selmanes entamó la segunda temporada, a ver cómo se desendolca... El primer capítulu foi líder de la nueche con 4'8 millones d'espectadores.