TARTA DE TURRÓN

INGREDIENTES:

4 güevos grandes

400 ml de nata llíquido pa cocinar

300 gramos de turrón de Xixona (del blandiu)

100 gramos de mantequilla ensin sal

50 gramos d'azucre (unes 3 cuyaraes)

25 galletes tipo María.

Pal crocanti d'almendres: 2 cuyaraes d'almendres crudes picaes, 1 cuyarada d'aceite d'oliva y una cuyarada de postre  d'azucre.

  Ponse la nata a calecer nun cazu a fueu mediu. Cuando tea caliente (ensin que fierva, solo caliente) échase'l turrón de Xixona a cachos y déxase a fueu baxu mientres faemos el restu de la receta.

  Nun bol grande ponemos los güevos y l'azucre. Batimos bien coles barilles hasta que quede un amiestu homoxéneo y cremoso.

  Agora apagamos el fueu, metemos la batidora nel amiestu de nata y turrón y batimos hasta que quede too bien fino. Nun tienen de quedar nin grumos nin restos del turrón. Estrema l'amiestu del fueu, añade l'amiestu de güevos y azucre, xúntalo bien (ensin batir) y dexa reposar fuera del fueu. Pon el fornu a calecer a 180ºC.

  Derrite la mantequilla (usa'l microondes, ye más rápido). Cola batidora esmigaya les galletes y écha-yos percima la mantequilla dilida. Según el tipu de galletes pue que precises un poco más de mantequilla.

  Cueye l'amiestu de mantequilla y galletes y espárdilu pola base d'un molde desmontable de 24 cm. Aprieta escontra'l fondu cola ayuda d'una cuyar. Yá tenemos llista la base de la nuesa tarta de turrón.

  Agora echa sobre la base de galletes tol amiestu que tenemos reserváu ya introduzlo nel fornu a 180ºC durante 30 o 35 minutos. La tarta va tar fecha cuando metes un paliyu (de madera) y salga llimpiu.

  Mientres se fai la tarta vamos ellaborar el crocanti d'almendres. Pica les almendres crudes y ponles al fueu con una cuyarada d'aceite d'oliva. Cuando empiecen a soltar golor (un golor perrico a almendres frites, ye inconfundible) echa percima la cuyaradina d'azucre y amiesta bien. Separta del fueu y échalo sobre un platu hasta qu'enfríe.

TARTA DE FRIXUELOS

INGREDIENTES:

1/2 llitru de lleche

farina

3 güevos

3 cuyaraes d'azucre

aceite

sal

azucre pa espolvoriar

1 tableta de chocolate nestle postres

2 güevos dixebrando les yemes de les clares que se van batir a puntu de nieve firme

150 g d'azucre

200 g de nata

PREPARACIÓN:

 Pasu 1:
 Nuna fonte fonda ponse'l lleche, un plizcu de sal, les tres cuyaraes d'azucre y los güevos bien batíos. Entemezse too perfectamente y vase-y amestando farina, adulces, pa nun formar grumos.

 Pasu 2:
 Hai que formar una pasta bien cremoso, tipo unes natielles. Esta pasta pue facese en batidora.

 Pasu 3:
 Nun sartén, con una cuyarada d'aceite bien caliente, ponse un poco de la pasta preparao; una bona cuyarada o cuyarada y media, procurando que quede una capa bien fina no fondero del sartén, déxase dorar a fueu vivo y, rápido, dáse-y la vuelta pa doralo pel otru llau.

 Pasu 4:
 Darréu vanse pasando a un platu o fonte y espolvoriamos con azucre.
 Acutamos.

 Pasu 5:
 Dilir el chocolate al microondas, amestar  l'azucre y les yemes y remover too bien, incorporar la nata y siguir batiendo.

 Pasu 6:
 Pa finar, entemecer coles clares batíes con munchu curiáu de que nun se baxen y meter a la nevera a enfriar.

 Pasu 7:
 Ye bien cenciello, vamos poniendo un frixuelu no fondero y dempués enriba la crema de chocolate, otru frixuelu y la nata, otru frixuelu y otra vez la crema de chocolate. Asina hasta escosar los ingredientes o tener l'altor de tarta deseáu. Meter na nevera y nel momentu de servir podemos espolvoriar con azucre y requemar col soplete.

FRIXUELOS

 Emplégase lleche, güevos (opcional), farina, sal, azucre y llevadura.  Prepárense nun recipiente nel que s'amesta la farina, los güevos y el sal, batiéndolo too a midida que se va añadiendo poquiñín a poquiñín el lleche, y asina ensin aparar hasta que tolos ingredientes ten bien amestaos y nun queden grumos. Conseguío esto, úntase una santén con mantega o con un poquiñín d'aceite, y cuando te percaliente échase-y un poco de pasta, la xusta pa que cubra la superficie de la sartén con una capa perfina y dexamos que cuaye y dore. Dáse-y la vuelta y faise lo mesmo pel otru llau.

LA GATA

  Esta novela cunta la historia de la Gata, una moza pordiosera, puerca, que crez nun barriu marxinal. La Gata, de nome real Renata Santa Cruz, a quien Doña Rita, una vieya que se fixo cargu de la neña, la maltrata y obliga a pidir llimosna, cámbia-y el nome pol d'Esmeralda Cruz, nun s'imaxina que ye la fía perdía de don Fernando Santa Cruz, un mozu aristócrata español, y de doña Blanca. Aún na miseria, La Gata ye feliz cola compañía de los sos amigos, siendo la Jarocha, el pizzeru (L'italianu) y Pablo Martínez Negrete, un rapazu ricu, lo sos collacios de tola vida. Pero va ser esti postreru al que se-y espierte'l sentimientu d'amor por La Gata.
  El tiempu pasa, La Gata crez y conviértese nuna moza perguapa. Cásase en secretu con Pablo enantes de qu'él marche a estudiar al estranxeru. Ensin embargu, los pas del xoven disuelven el matrimoniu ensin importa-yos qu'ella te embaranzada.
  Dambos intenten que Pablo s'escaeza de La Gata y se case con Mónica, una muyer mui rica y sofisticada. Esmeralda dará a lluz a dos guapos ximielgos y pasará munches penuries, pero van esperala munches sorpreses incluyendo'l trunfu del amor sobre toles adversidaes.

CONCURSU CULINARIU TRADICIONAL ASTURIANU

  Esti vienres celebróse nel institutu un concursu culinariu tradicional asturianu con una gran participación por parte de los alumnos de l'asignatura de Llingua asturiana. Fixeron ente otres coses: frixuelos, picatostes, arroz con lleche, tarta de quesu, tarta xixonesa, tarta de mazana, tarta de la güela, fritos de lleche, galletes, bizcochos...

  Estos son los postres ganadores: 

  PRIMER PREMIU: TARTA DE MAZANA

SEGUNDU PREMIU: BOROÑINES

TERCER PREMIU: TARTA DE QUESU

CUARTU PREMIU: BORRACHINOS

  

QUINTU PREMIU: TARTA DE QUESU Y YOGUR

  La verdá ye que taba too perbono, pa mi son toos ganadores, darréu déxovos semeyes del restu:

LA VIDA YE BELLA

  Esta ye una película de 1997 escrita, dirixía y protagonizada por Roberto Benigni. Ta basada nel llibru "Al final derroté a Hitler" de Rubino Romeo Salmoni, que tuvo prisioneru durante tres años nun campu de concentración y llogró sobrevivir. La película foi un gran ésitu financieru y de crítica, ganó tres Oscar: a la meyor banda sonora, al meyor actor y a la meyor película estraxera.

  La película trata d'un home que tres facer munches coses pa conseguir a la so muyer pa conquistala, depués de muncho insistí-y consiguiólo y casóse con ella, él yera xudíu y daquella los xudíos nun taben mui bien vistos. Tuvieron un fíu (Josue) y ellos yeren una familia normal hasta qu'un día vinieron unos homes y llevaron al pá y al neñu con ellos pola mor de ser xudíos. Esti bon rapaz tuvo que mentir al so fíu y dici-y que yera un viaxe que organizaba él mesmu y que diben a alcontrar llueu ellí a la so ma. La ma, al enterase de que-y llevaron a la familia foi frente al xeneral y díxo-y que quería dir nesi tren con ellos, pero en principiu nun la dexaben porque ella nun yera xudía, pero a la fin consiguiólo y subió.

  Al llegar al campamentu separaben a homes de muyeres y a los crios colos homes. A les muyeres facíen-yos cortar el pelo y a los homes teníenlos pa trabayar como si fueren esclavos, el tema de los guah.es y los vieyinos ya yera un poco más complicáu porque como nun-yos servíen pa nada, entós facíenlos quitar tola ropa, metíenlos a duchase, y una vez ellí, con un gas matábenlos a toos. Llueu quemaben los cuerpos.

  A Josue, el fiu del xudíu, nun-y prestaba muncho duchase y entós, cuando fueron a buscar a los guah.es pa llevalos a les duches él taba escondíu. 

  El guah.e creía que too yera un xuegu pa ganar un tanque y pa ganar nun podía llorar, nin dicir que tenía fame ni nada, tenía qu'aguantar. El pá tenía que trabayar de sol a sol, pero alcontró ellí a un médicu alemán que lu conocía y pensó que quiciabes los pudiera sacar d'aquel campu. Esa mesma nueche, el pá trabayó como camareru pa los alemanes y vio que taba too mui revuelto, entos salió a buscar a la so muyer, vio al fíu y díxo-y que s'escondiera, pero nun atopó a la muyer y darréu foi fusiláu por un soldáu. 

  Xusto a la mañana siguiente la guerra yá terminare y los prisioneros supervivientes pudieron marchar. A Josue rescatólu un militar inglés que diba nun tanque y el neñu pensó que ganare'l premiu él, al final atopó tamién a la ma.

TARTA D'HOXALDRE CON FRUTES

Ingredientes:

1 llámina d'hoxaldre rectangular

1/2 llitru de crema pastelera

1 güevu pa pincelar l'hoxaldre
Fruta variada al to gustu: piescu, quiwi verde y quiwi mariellu, freses, plátanu, uves, mores...

Pa la cobertura tresparente: 2 cuyaraes d'azucre, 1 vasu d'agua y 1 sobre de xelatina neutra.

Receta pa faer Tarta d'Hoxaldre con Frutes (pa ocho persones):

1º) Pon l'hoxaldre frente a ti y de siguío dobla escontra riba un centímetru (más o menos) de cada llau del hoxaldre. Aplasta colos deos tol filu pa que s'apegue bien.

2º) Pon el fornu a calecer a 200ºc. Depués casca'l güevu y bátilu. Con un pincel pinta con güevu tol cantu del hoxaldre.

3º) Depués con un tenedor pincha tol centru (SOLO EN CENTRU), de siguío mete l'hoxaldre nel fornu. Déxalu ellí unos 20 o 25 minutos a 200ºc hasta que tea bien doráu.

4º) Mientres se fai l'hoxaldre pues aprovechar pa preparar la crema pastelera.

5º) Cuando l'hoxaldre y la crema pastelera tean fríos pon la crema pastelera sobre l'hoxaldre.

6º) Agora ye'l momentu de poner la fruta percima de la tarta. Escueye la fruta que prefieras y parte percima de la crema pastelera. De siguío preparar el rellumu pa tartes y pincelar percima de tola tarta.

7º) Tapa con curiáu la tarta y métila na nevera un par d'hores hasta que la cobertoria garre consistencia. Y llista... ¡A comer!

EL CANTAR DEL VASU

  El cantar del vasu ye un proyectu que nació nel centru d´Asturies y el que sedría'l so fundador foi'l profesor de l'asignatura de Llingua sturiana del añu pasáu nel nuestru institutu. La verdá ye que'l proyectu tardó bastante en facese pero mereció la pena. Esti  consistía en dicir al mundu qu'hai un sitiu llamaú Asturies y que tien la so propia llingua y que ta perdiéndose na sociedá asturiana. El vídeu sobre'l cantar del vasu tuvo gran repercusión, yá tien más de 20000 visites n´internet. La que pon la voz ye Alba Mielgo, qu'estudió equí l´añu pasaú pero marchó y la lletra sacáronla de la canción n'inglés When I´m gone. Usáronse vasos como ritmu de la canción.
 

Los vasos azules, nesti proyectu, son una metáfora y ye que´l vasu pasa de mano en mano y simboliza la señardá de perder la esencia de lo que somos, quieren que se reconoza la llingua asturiana como llingua oficial. 

  Nesti proyectu collaboraron muchos famosos ente ellos Melendi, xugadores del Oviedo y del Xixón, Paula Rojo, Camilo, Ambás etc.

 

Transformers

Transformers ye una película dirixida  por Michael Bay y producida por Steven Spielberg, basada nuna marca de xuguetes de Hasbro y nun conxuntu de series d'animación xaponeses del mesmu nome. El guión tuvo al cargu de Roberto Orci y Alex Kurtzman. Protagonizada por Shia LaBeouf, Megan Fox, Josh Duhamel, Tyrese Gibson y Peter Cullen. Antagonizada por Hugo Weaving y Charlie Adler. El filme tuvo nomáu a tres premios Óscar: meyores efectos especiales, efectos de soníu y soníu. N'Estaos Xuníos estrenó'l 4 de xunetu de 2007. 

                     



 Más tarde,el director decidió facer una secuela, Tranformers: La vengación de los cayíos. Pasaron dos años dende la derrota de Megatron. Los autobots xuniéronse colos soldaos humanos, incluyendo a Lennox y Epps, nun equipu secretu llamáu NEST sol mandu de los militares d'Estaos Xuníos. NEST ye una organización secreta que se dedica a interceptar actividaes Decepticon en tol mundu. Prepárase en Shanghái pa la inminente entrada n'acción de Demolishor, quien se despinta con Sideways, Ironhide y el so equipu especial.

PARÍS

  París ye´l destinu qu´elixe tolos años el Departamentu de francés de Noreña como actividá escolar. París ye un buen llugar pa facer el viaxe d´estudios yá qu´hai munches coses que visitar como: la Torre Eiffel, el muséu del Louvre, la catedral de Notre dame, l´ arcu de Triunfu, Disneyland,  el muséu d´Orsay... Pero yo creo que lo que más -yos presta visitar ye la torre Eiffel y la catedral de Notre dame.
  París ye una cuidá que tien munchos visitantes cada añu, nel 2012 recibió 75 millones de visitantes y nun ye que sea precisamente mui barato dir p´allí  y depués la comida y tolo demás ye mui caro anque tamién ye verdá que ye una ciudá perguapa y sobre too pela nueche.

TARTA DE GALLETES OREO

Ingredientes:
Pa la base:
100 g de galletes oreo ensin la crema y 40 g de mantequilla
Pal rellenu:
250 ml de nata pa montar
100 ml de lleche
una cuyarada de xelatina en polvo
250 g de quesu d'untar
60 g d'azucre
la crema de les galletes oreo de la base pa la cubierta
4 galletes oreo ensin la crema.

 Ellaboración:
1.Lo primero que vamos facer va ser preparar la base de la tarta d'oreo. Pa ello, retira la crema de les galletes y reserva pal rellenu, garra un bol pa introduciles y esmigayales. Cuando tean bien estrapaes, introduz la mantequilla y entemezlo too bien. Ye bien importante que la mantequilla tea a temperatura ambiente pa que s'integre dafechu coles galletes. Pa ello, retírala del frigoríficu unos minutos antes d'empezar.

2.Cuando tea bien entemecio asítialo nun molde cola ayuda d'una cuyar y fai presión pa que quede bien compacto. Si nun tienes un molde desmontable recuerda que tienes de cubrir con papel de cocina enantes de poner les partes de la tarta pa poder retirala depués. Agora, vamos dir a pola cubierta.

3.Pa facer la parte d'enriba solo tienes de retirar la crema de les galletes oreo y esmigayalo too bien. Guarda la crema pal rellenu de la tarta. Pues utilizar una batidora pa que quede una testura en polvo. Guárdalo pal final de la preparación del pastel d'oreo.

4.Agora vamos preparar el rellenu. Pa ello, cueye un cazu ya introduz la nata, la lleche, l'azucre, el quesu d'untar y la crema de les galletes que retirasti nos pasos anteriores. Calienta a fueu altu y remueve too de xemes en cuando.

5.Enantes de que fierva, amesta la xelatina en polvo y sigui moviendo ente 4 y 5 minutos, hasta que tolos ingredientes s'entemezan bien. Si nun tienes en polvo, pues utilizar tres llámines de xelatina. Primero introduzles nun vasu enllenu d'agua pa que s'hidraten y depués incorpórales al amiestu. Ye bien importante que nun fierva, de manera que, si ye necesariu, baxa'l fueu a temperatura media. Cuando tenga una testura cremosa y homoxénea retírala del fueu y dexa que repose unos minutos.

6.Cuando repose un poco, vierte sobre'l molde onde asitiasti la base de la tarta d'oreo. Introduzla nel frigoríficu pa que cuaye too bien. Vas tener de dexala unes 3 hores. Pasáu esti tiempu, si inda nun ta abondo cuayada déxala una hora más, si yá ta llista pues espolvoriar les galletes esmigayaes. Vuelve introducila na nevera y depués d'una hora, más o menos, sácala del molde.

                                                                       !!!Llista!!!

GRAN HERMANU VIP

 

Ye un concursu, primero ficieron gran hermanu 15, agora pasaron a gh vip,  nel que tienen que convivir un grupu de persones, nesti casu famosos y famoses, y los sos participantes son:

Belén Esteban:  ye una collaboradora de munchos programes, agora namás que ta en Sálvame y llámenla "la princesa del pueblu".

 Olvido Hormigos: ex-socialista de los Yébenes en Toledo.

                            -Esta muyer foi espulsada pola audiencia el pasáu xueves,ella pidía que la echaren          porque nun se llevaba nada bien colos sos collacios de la casa, entós taba tol día metía na cama ensin facer nada, y agora que ve que la xente la apoya y ta con ella en vez de con Belén (la so principal rival y enemiga,) quier pidir la repesca pa volver a entrar na casa.

Los chunguitos: grupu rumberu d' hermanos.

                              -Estos fueron espulsaos pol programa fai 2 selmanes por mor de los sos comentarios homófobos, racistes y descalificantes hacia los sos collacios, ellos dixeron ente otres coses: "yo prefiero que'l mio fiu seya discapacitáu mental que gay", y asina munchos comentarios más, entós fueron espulsaos pol programa ya que amás coincide que'l presentador ye homosexual.

Aguasantas: xitana ex novia del fiu de Raquel Bollo.

Ilenia: moza de Benidorm que tuvo nel programa de Gandia Shore.

Fede: italianu  que foi tronista en Muyeres y homes y viceversa.

Víctor Sandoval: collaborador de diversos programes de televisión.

Sandro Rey: vidente español.

Kiko Rivera: fíu de la Pantoja.

Israel: toreru.

Ares: collaboradora y entrevistadora.

Laura: los sos pas, tuvieron trabayando tola vida en cantora, pa Isabel Pantoja, y cuando esta los echó fue a falar de tolo que sabía d'esa familia y por eso agora ta onde ta.

 Komman: mozu que participó nel reallity de la 4 ( Adán y Eva)

Estos son tolos concursantes, ya hubo 2 espulsiones¿ cuála será la tercera?