Too entamó fai unos díes nos qu´una rapaza colgó'l vistíu que mercare nes redes sociales entrugando a la xente de qué color veíen´l so vistíu porque ella veíalu blancu y doráu y el so maríu y la so ma azul y negru.
Yo, el vistíu veíalu de color blancu y doráu, pero non, el vistíu al paecer ye azul y negru, y la esplicación de por qué toos lu vemos diferente ye la siguiente según nos cuntó Informativos Telecinco ayer:
"Dalgunes persones ven el vistíu blancu y doráu" tornó esti vienres pasáu a ser un fenómenu viral y tola xente entamó a comentalo muncho peles redes sociales. Resultaba increíble qu´un mesmu vistíu nuna mesma imaxe se viera pela xente de diferentes colores, ¿por qué pasó esto?
"Los colores, en realidá, nun esisten, son percepciones, ye dicir, que les coses por sí soles nun tienen un color. Que veamos un color o otru depende de como seya´l nuestru receptor, la retina, y de tolo que´l nuestru cerebru deprendiere a lo llargo de la vida.
El cerebru filtra intuitivamente´l fondu blancu pa ver el verdaderu color del vistíu pero la tonalidá azulada ta ehí y lleva al cerebru a la confusión. Cuando'l güeyu capta la lluz, el cerebru debe asignar un color correctamente polo qu´intenta aplicar unos filtros que corrixan la imaxe fotográfica p'averala lo másimo posible a la real.
A mi tovía me cuesta un poco entendelo porque yo, el vistíu veíalu blancu y doráu pero nesta semeya si se ve azul y negru, paecen dos semeyes totalmente diferentes:
Equí la prueba de que les coses delles veces nun son lo qu'apaecen.
