MERLÍN

  Merlín ye un mozu magu que llega al reinu de Camelot dempués de que la so madre-y encargare que se quede col médicu de la corte, Gaius. Ellí atopa que'l rei Uther Pendragon prohibió la maxia y encarceló al últimu dragón nes fondures del reinu. Dempués d'escuchar una voz misteriosa dientro de la so cabeza, Merlín diríxese a la caverna debaxo de Camelot onde s'atopa col Gran Dragón, que-y diz a Merlín que xuega un papel bien importante: protexer al fíu de Uther, Arturo, quien va dar  lluz a un gran reinu. Anque él respuende que tien d'haber un erru, yá que cuando Merlín conoz a Arturo, él cree que ye un matón sobeyosu y testarudu y Arturo, de la mesma, tien una opinión menos bona de Merlín, y nun paecen conxeniar. Dempués de salvar la vida del príncipe, Merlin conviértese nel so sirviente y col tiempu los dos faense amigos. Pero cuando les acciones de Uther causen que la so protexía Morgana se vuelva contra Camelot, Merlín tien d'aliase col rei pa salvar el futuru del reinu de Albion.

ASTURIES MITOLOXÍA

                 N'Asturies hai numberoses lleendes:

El Busgosu: ye un ser híbridu, metá home metá cabritu. Esisten dos mitos, ún nel oriente, onde'l busgosu ye benefactor y guía a los pastores cuando se pierden, y

 l'otru mitu, más estendíu nel occidente d'Asturies, diz que'l busgosu ye'l señor del monte y de too lo qu'habita nél. 

El Cuélebre: ye una serpiente xigantesca que custodia tesoros o a les xanes. Como son inmortales, col pasar de los sieglos, les escames vuélvense-y tremendamente gordes ya impenetrables.

El Trasgu: ún de los personaxes más conocíos de la mitoloxía asturiana, ye'l trasgu, un duende que vive nes cases y ye por demás traviesu, llegando a causar grandes estrozos n'ocasiones. Causa graves trastornos na vida familiar naquelles cases qu'habita, fadiando al ganáu, tirando coses al suelu, torgando que les persones duerman peles nueches, etc

        El Busgosu                                 El Cúelebre

El trasgu

SUPERASTURIANOS

              

  Concursu de cai presentáu polos conocíos cómicos Alberto Rodríguez, Joaquín Pajarón y Pedro Durán. Cada selmana, el programa treslládase a dellos pueblos o ciudaes de la xeografía asturiana buscando al asturianu o asturiana dignu/a de llamase superhéroe. Búsquense superasturian@s. Pa ganar esi títulu, dos concursantes compiten ente ellos superando delles pruebes, tanto físiques como de conocencia de la historia, la xeografía o les tradiciones del conceyu y recibiendo una puntuación en forma de panoyes. Pa los participantes tienen camisetes y grandes premios pal ganador.

TARTA DE CHOCOLATE

Ingredientes:
200 g de farina
250 g de azucre moreno
6 güevos
250 g de mantequilla
50 g de cacáu en polvo
Un sobre de llevadura de repostería
Un poco de canela

Preparación:

Pa ellaborar esta receta de Tarta de Chocolate lo primero que faemos ye entemecer l'azucre cola mantequilla hasta que se faiga una crema.

Dempués bátense los güevos y amiéstense a lo anterior. De siguío añadimos lallevadura, la farina, el cacáu y la canela, y entemezse too hasta que nos quede una masa homoxéneo y ensin grumos.

Ponemos el fornu a precalentar a 170º mientres acabamos de preparar la receta.

Coyemos una fonte, primeramente engrasada con mantequilla, vertemos nella l'amiestu anterior ya introduzse nel fornu a una temperatura d'unos 170º  una media hora o asina.


Pa saber si la Tarta de chocolate ta bien fecha cuando acabe'l tiempu de cocción, vamos introducir un cuchiellu o similar, y si sal llimpiu ye que ta bien fecha, si pela cueta vemos que se-y pega daqué de masa ensin faer, vamos tener que dexar unos minutos más nel fornu.

Pa faer la cobertoria de chocolate, derrítese mantequilla nun cazu, y una vegada tea llista entemecémosla con azucre glasé y cacáu, con paciencia, hasta que nos quede bien entemecío too.

Con ayuda d'una espátula cubrimos tola parte de enriba la tarta y dexamos cuayar unos dos hores.
Yá tenemos llista pa tastiar esta receta tan llambiona de Tarta de Chocolate.

TARTA DE TRES CHOCOLATES

 Ingredientes:

 Chocolate negru: 175 gramos

 Chocolate blancu: 175 gramos

 Chocolate con lleche: 175 gramos
 Nata llíquido: 3/4 llitru

 Lleche entero, non desnatao, 3/5 llitru 
Azucre: 85 gramos

Cuayada, tres sobres

Pa la base:

Galletes: un paquete, tipo María
 Lleche, un chorrín

 Mantequilla ensin sal, 75 g

Preparación:

Vamos preparar la base de la tarta, pa ello hai qu'esmagayar les galletes, entemeceles nun recipiente cola mantequilla y el chorru de lleche hasta formar una pasta.

Rellenamos el fondu del molde que vaigamos usar con esta pasta de galletes, apretando bien pa que quede bastante compacta.

Faemos la crema de chocolate negru, pa ello entemecemos 1/4 de llitru de lleche con otru tantu de nata. D'esti amiestu sacamos unos 110 ml pa entemecelo con 1 sobre de cuayada.

El restu ponse a calecer a fueu non bien fuerte y añadímos-y unos 55 gramos y el chocolate negru. Vamos moviendo hasta que fierva y separamos. Añadimos la parte entemecida cola cuayada y ponemos a fueu mediu nuevamente removiendo.

Nel momentu que fierva estrémase de nuevo y échase sobre la base de galletes.

De siguío faemos la crema de chocolate con lleche, repitiendo lo mesmo que pal chocolate negru pero con 30 gramos d'azucre. Una vegada termináu, vertimos sobre la capa de chocolate negru. Dexamos que cuaye un poco.

A lo último, la capa de chocolate blancu preparada de la mesma forma que los dos anteriores, pero esta vegada nun lleva azucre. Echamos sobre les dos capes de chocolate, y metemos na nevera delles hores antes de comelo. Puede decorase antes de servir.

THE HUNGER GAMES

LOS JUEGOS DEL HAMBRE

  Trátase d'una triloxía tanto pa xóvenes como p'adultos d'aventura y ciencia ficción, escrita por Suzanne Collins. Ye una historia ambientada nun tiempu futuru non identificáu dempués de la destrucción d'América del Norte, convertida nun país nomáu "Panem". Esti ta formáu por un capitoliu y doce distritos que lu arrodien y qu'atienden a les necesidaes del capitoliu. Como castigu por una rebelión d'esti últimu nel que'l Capitoliu derrota a los doce primeros distritos y destruye'l decimoterceru, cada añu un mozu y una moza de caún de los doce distritos,ente doce y dieciocho años son seleccionaos por sortéu y obligaos a participar nos "Juegos Del Hambre". Los xuegos son un eventu televisáu onde los participantes llamaos "tributos"deben lluchar a muerte nun estadiu al aire llibre llamáu "L'Arena" hasta que solo hai un ganador. El tributu ganador y el so distritu correspondiente reciben grandes riqueces.

  

La autora: Suzanne Collins. Ye una escritora y guionista estadounidense.

PERSONAXES PRINCIPALES:

Katnis Everdeens:Trátase de l'actriz principal, ye una xoven de dieciséis años que vive nel distritu doce, el so pa muerre nun accidente nuna mina del distritu y ye la que tien que cuidar de la so hermana Prim y la so má.

Peeta Mellark:Trátase d'un xoven de dieciséis años que vive nel distritu doce, conoz a katniss dende la infancia, cuando lu entrevisten por primera vez diz tar namoráu de katniss dende fai munchu tiempu.

Haymitch Abernathy:Ye un home de cuarenta años,vivió nel distritu doce, cómo ganó los xuegos unos años atrás conviértese nel instructor de Katniss y Peeta.

PASIÓN DE GAVILANES

Pasión de gavilanes ye una telenovela colombiana.

Rellata la hestoria d'amor y desamor de los hermanos Reyes y les hermanes Elizondo.

Don Bernardo ye propietariu d'una facienda, na que vive cola so muyer, Doña Gabriela, y les sos fíes, yá mayores, Norma, Jimena y Sara, l'home de la so fía Norma, Fernando Escandón, y el so suegru, Don Martín Acevedo, un militar retiráu y que ta paralíticu. El matrimoniu de Norma y Fernando foi iguáu por Doña Gabriela pa despintar que Norma fuera víctima d'una violación, pero'l matrimoniu ye namás de nome y nun se peracabó, debío al trauma d'ella.

Anque Bernardo taba namoráu de Libia Reyes, sabe que nun podría casase con ella, yá que Doña Gabriela, una muyer bastante despóta y bien chapada a l'antigua, nunca-y daría'l divorciu. De toes formes, sí ta decidíu a romper con too pa poder vivir el so amor, pero desgraciadamente tien un accidente de caballu y muerre. Al tiempu, Libia afaya que ta embarazada y xusto al tiempu entérase de que Bernardo morrió, polo que decide dir a la casa de los Elizondo convencida pola frutera Hortensia y el so fíu, a quien lu lleven a la facienda pa reclamar, anque ella tien mieu y nun ta convencida si dir o qué dicir. Cuando llega a casa de los Elizondo, Doña Gabriela maltrátala y despréciala. Libia fuxe desesperada, tírase d' una ponte y muerre.

Cuando los hermanos Reyes s'enteren de too, xuren vengar a la so hermana y diríxense a la facienda de los Elizondo, pero nun atopen a Doña Gabriela, polo que deciden quedase na facienda, faciéndose pasar por unos arbañiles que Doña Gabriela contrató pa construyir una casa independiente pa Norma y Fernando. Al conocer a les hermanes Elizondo, Óscar Reyes pretende convencer a los sos hermanos de que camuden los sos planes de vengación y que seduzan a una de les hermanes Elizondo, pa paga-yos cola mesma moneda, anque lo qu'en realidá pretende ye faese col dineru de los Elizondo p'ameyorar la so situación. El so hermanu Juan nun ta acordies con los sos planes pero cuando conoz a Norma Elizondo camuda d'opinión, porque se sienten al intre atraíos l'unu pol otru. Esa atracción fai que Juan escaeza totalmente los sos planes de vengación, pero la pareya va atopar ensame de torgues nel so camín que tendrán de superar.

Sicasí Óscar queda envueltu na telaraña de la so vengación, al namorase de Jimena. Dambos atráense y un día, por decisión de los dos, cásense a escondidielles. Cuando Jimena afaya los planes d'estos hermanos darréu avisa a la so hermana Norma. Per otru llau, l'hermanu menor, Franco, ta dolíu porque "el so gran amor" Rosario Montes va casar con otru. A él ensin importa-y nada de la vida, cásase con Eduvina Trueba, una señora yá mayor, dueña d'una facienda, munches empreses y con muncho dineru. El mesmu día de la boda ella muerre, dexando a Franco como dueñu de tolos sos bienes. Meses dempués Franco atópase con Sara Elizondo, una muyer que lu odia hasta les coraes (siquier eso diz ella); depués de tantes engarradielles adulces él va namorando d'ella, y, con ella nun yera necesario, yá lo taba.

Toos ellos tienen la so hestoria; y cada pareya va lluchar por un mesmu fin: tar xuntos; pero primero tienen qu'enfrentase a les oposiciones de la so suegra, Doña Gabriela, pa poder cumplir los sos suaños.

Final

Cuando les hermanes Elizondo deciden dise a vivir colos sos novios, maríos y cuñaos, Fernando y Dinora, encegolaos cola riqueza y fracasando el so plan de dixebrar a Juan y Norma, secuestren a Gabriela y zarren nun psiquiátricu a Martín. Dinora secuestra a Juan. Armando decide dir a matar a Franco, pero Rosario interpónse y recibe'l tiru; d'esta manera, Armando decide volver disparar pero termina siendo lliquidáu pola policía. Mentanto, Rosario llogra sobrevivir nel hospital. Na selva, Gabriela dase cuenta de que Fernando nun ye más qu'un desgraciáu y que Juan y los sos hermanos yeren bonos homes y non unos mafiosos nin delicuentes como los trataben toos. Cuando s'enteren de que Juan y Gabriela tán na selva pantanosa, deciden contactar con Anibal Guerrero, que cuando llega atopa a Eva con quien caltenía una relación, y resulta ser padre de Ruth. Fernando asesina a Dinora, nesi momentu Juan y Gabriela dixébrense de Fernando y atopen la salida pero neso llega esti y dispára a Gabriela, cuando quier dispara-y a Juan cai a una llamuerga, entós píde-y ayuda a Juan en devanéu y muerre. Darréu toos son rescataos y cásense Sarita y Franco. Gabriela acepta la relación y decide sacar la cerca qu'estrema les faciendes. Eva hereda la fortuna de Raquel, una y bones ésta morrió nun accidente automovilísticu, provocáu polos matones d'Armando. Nes escenes finales pue vese cómo Rosario canta nel Chigre Alcalá como fai siempre y a los tres hermanos y les tres hermanes montando a caballu xuntos nel campu. Finalmente toos pudieron vivir felices ensin esmoliciones.