BALÓN D'ORU

  Bonos díes a toos y toes, vengo a falavos del balón d'oru, tema d'actualidá nel mundu del fútbol, una gala na que'l fútbol ye'l meyor amigu del home, yá polos títulos que ganen o yá polos premios individuales, que ye de lo que va esta gala. Ayer los premios desarrolláronse ensin munches sorpreses no que respecta a los ganadores, yá que Cristiano Ronaldo (campeón de la Champions, campeón de la Copa del Rey col so equipu ya individualmente tamién fixo munches coses como ser el másimu artilleru de la liga con 31 tantos y el másimu goleador de la historia de la Champions  y bota d'oru con el permisu de Luis Suárez). El premiu puskas llevólu James Rodríguez col so maxistral gol nel mundial de Brasil.

¿QUÉ YE'L TIEMPU?

  Ye quien nos entrega too polo que lluchamos o quítanos aquello que descuidamos, quien ayuda a decidinos o quien fai que nos afoguemos nun mar de duldes.La nuesa vida compónse namás que de tiempu.

  Fai tiempu qu'entamé a construyir la mio vida y decidí  que cada lladrillu que punxera diba ser pa la mio propia "casa", non pal edificiu d'otros. El problema ye que fui poniendo tantos lladrillos durante los últimos años que nun me paré a pensar nin un segundu  como quería que fuese realmente, y agora que la tengo a medio facer doime cuenta de qu'hai coses que quiero cambiar, pero nun pasa nada, tengo tiempu, agora simplemente tócame desfacer parte de lo que tanto me costó construyir, pero nun voi a cometer el mesmu fallu, o quiciabes sí, nun sé, eses coses nun se saben, lo que sí sé ye que voi tomame'l mio tiempu pa diseñar un planu perfectu dafechu y asina anque tarde más cada lladrillu va ser el definitivu, o al menos eso espero, pero bueno, tengo tiempu pa correxir los errores depués de tol tiempu vivíu, deprendí que naide, absolutamente naide va regalate'l so "cementu" pa que tu construyas, siempre va pidir el so "cementu" de vuelta. Too tien un preciu nesta vida, hasta l'amor, porque l'amor necesita tiempu abondo, pa que l'amor consiga sobrevivir toa una vida necesita tol tiempu d'esta mesma,pero ye xenial, porque l'amor ye una de les poques coses nesta vida que te devuelve, con creces, tol tiempu qu'invertisti nél.

¿SI TOLOS CAMINOS LLEVEN A ROMA, CÓMO SE SAL DE ROMA?

 A veces pensamos demasiao y sentimos mui poco.
  El mio güelu  siempre dicía que si dalguién quier seriamente formar parte de la to vida, fai lo imposible por tar nella.
  Anque en ciertu mou perdamos ente pantalles el valor de les miraes, escaeciendo que cuando dalguién nos dedica'l so tiempu ta regalándonos lo único que nun va recuperar enxamás, y ye que la vida son momentos, ¿sabes? Que agora toi equí ¿y mañana? Mañana nun lo sé, asina que quiero dicite que si dalguna vez quies dalgo, dalgo de verdá, vete por ello ensin mirar atrás, mirando'l mieu de frente y a los güeyos,entregándolo too y dando l'alma.
  Asina que nun sé qué será del mio mañana, pero esti son siempre va ser el mesmu que'l tuyu, y los amigos son la familia qu'escoyimos, y yo elíxote a ti por ser el dueñu de les arrugues que tendré na cara de vieya, qu'apuesto fuerte por tos estos años al to llau, poles nueches en vela, les folixes y les rises, los secretos y los amores del pasáu, los tos abrazos asina porque asina, ensin venir a cuentu nin tener por qué celebrar dalgo.
  Asina que doite les gracies por ser la única persona capaz de faceme llorar riendo, por apaecer na mio vida con esa sorrisa lloca, por esi brillu nos güeyos capaz de lluchar escontra un millón de tsunamis.
  Asina que nun sé ónde taremos dientro de 100 años, nin sé cómo se sal de Roma , nun  puedo asegurate nada, pero prométote que pase lo que pase, tes onde tes, nun me voi a escaecer de ti enxamás, porque tu enseñástime a vivir cada dia como'l primer dia del restu la mio vida.

 

PREMIOS FORQUÉ

  Tuvieron llugar ayer llunes en Madrid a les 21.00 hores de la nueche. Los grandes galardonaos fueron la película de 'La isla Mínima' y los sos actores. Per otru llau RTVE obtuvó la medalla d'Oru EGEDA pol so apoyu históricu al cine español. La ceremonia taba presentada por Ana Morgade, Santiago Segura y Blanca Suárez.
  Los galardonaos fueron los siguientes:
'La isla Mínima' a meyor película y meyor actor por Javier Gutiérrez.
Bárbara Lennie a meyor actriz pola so participación en 'Magican Girl'.
'Relatos Salvaxes' a meyor cinta latinoámericana.
'Mortadelo y Filemón escontra Jimmy'l cachondu' a meyor llargometraxe documental o de animación.

DIVERXENTE (triloxía)

 Trátase d'una triloxía tanto pa xóvenes como p'adultos. Foi escrita por Verónica Roth y ta formada por :DIVERXENTE, INSURXENTE Y LEAL.
  Ambiéntase nuna futura Chicago onde atopamos una sociedá en llucha, en guerra, y onde la xente ta separada en grupos llamaos facciones, hai cinco:

Quien culpen l'agresividá crearon Cordialidá.
Los que culpaben la inorancia agrupáronse n'Erudición.
Escontra l'engañu surde Verdá.
Escontra l'egoísmu surde Abnegación.
Escontra la cobardia surde Osadía.

  A los 16 años cada individuu debe elexir si permanecer na facción de los sos padres o cambiase, si se cambia va tener que renunciar a ver a la so familia.Tres la ceremonia d'elección tolos xóvenes deben pasar por un procesu d'iniciación en cada facción, el que nun la supere va quedase ensin facción, convirtiéndose nun paria.
  Pa estes facciones les persones diverxentes son un peligru yá que nun pueden controlales, entós intenten acabar con tolos diverxentes posibles y tien llugar la guerra.

CHIPA SO'O

INGREDIENTES

Pa la masa:

-farina de maíz 500 g  (mariella)
-almidón de mandioca 1 cda (25g) 
-sal una cuyaradina
-quesu Paraguay 250 g o'l so correspondiente (opcional) 
-100 g de materia graso (grasa de gochu o mantega o mantequilla)
-un güevu  
-lleche 750 ml 

Pal rellenu:

- una cebolla

- Axeitera de xata 500 g 

- 1 Pimientu grande

- 3 dientes d'ayos

- sal y pimienta 

- comín,un plizcu

- cuatro güevos cocíos

- 2 cuyaradines d'aceite 

Preparación

PRECALENTAMOS EL FORNU A 200ºC.

Masa de chipa so'o

Asitiar nun bol la farina de maíz xunto col almidón de mandioca, el sal, el quesu Paraguay espeñicáu y la mantega frío cortada en cubos. Formar un arenáu y realizar un furacu. Nel centru poner el güevu y dir virtiendo poco a poco'l lleche hasta llograr una masa lliso y nidio. Pue paecer muncha cantidá 750 ml pero yo utilicé esactamente esa mesma, dependiendo del tipu de farina de maiz qu'utilices vas utilizar llíquido, dir probando vosotros mesmos con procuru.

 Llevamos a la nevera mientres preparamos el rellenu.

Rellenu
Ferver la carne con 2 dientes d'ayu hasta que tea tienra. Retirar del agua y dexar esfrecer. 

Procesamos la carne (esmigayamos col ayu que cocinemos). Reservamos.

Verdures
Cortamos la cebolla, l'ayu y el pimientu y facemos un sofritu (cocinamos les verdures col sal en 2 cuyaradines d'aceite hasta que la cebolla tea tresparente, amestamos la carne, entemecemos, amestamos el comín; reservamos.

Cortamos los güevos cocíos en cachos pequeños y xuntámoslos cola carne.

Facemos boles cola masa de chipá, formamos un güequín y nel centru ponemos un poco del rellenu del amiestu. 

Cerramos bien y asitiamos sobre una placa enmantecada o con papel de fornu. 

Llevamos al fornu a 200º C 30 minutos aprosimadamente.

Y llisto. ¡A disfrutalos que tán bien ricos!

NOTES

1- El rellenu ye'l mesmu que pa una empanada de carne. Si faes el rellenu un par d'hores enantes, va ser más sabrosu. 

2- La farina de maíz ye la mariella (pa los que tán n'otros países, puen usar sémola fina de maíz). Nun val lo mesmo la maicena.

3- L'almidón ye almidón de mandioca (yuca). Si nun s'alcuentra, pue usase farina de trigo común.

4- Hai qu'amestar el lleche o'l llíquidu d'a poco, según el tipu de farina, absorbe más o menos cantidá.

5- El quesu ye opcional, delles mases nun lleven.

TAZONES

  Tazones ye una parroquia y un pueblu del conceyu asturianu de Villaviciosa, nun tien una superficie mui grande pero pa lo pequeñu que ye tien aproximadamente unos 260 habitantes, ye un pueblu con precioses vistes al puertu,esti ta formáu por dos partes,una d'elles comunica directamente con Villaviciosa. Les partes son:-San Roque,-San Miguel. Tien una playa con un pedreru nel que pueden observase buelgues xurásiques de dinosauriu, nel so puertu atraquen pequeñes embarcaciones dedicaes a la pesca de baxura y una lonxa de pescáu.
  Tanto'l barriu de San Miguel como'l barriu de San Roque tan declaraos "conxuntu históricu y artísticu"dende'l 17 de Xunu de 1991.
  La ilesia parroquial de Tazones ta asitiada nel barriu de San Miguel nel que se fai una fiesta sacramental que ye'l 16 d'Agostu en San Roque.

ARCE, UN RAPERU GALLEGU

         Pablín, más conocíu como Arce, ye un raperu gallegu nacíu nos 90 en Santiago de Compostela. Lols sos anicios nel rap remóntense al añu 2002, más o menos, nel parque colos hermaninos Mako y Lema (Zervecerdos), entamó a escribir los sos primeros temes en casa, grabándolos nel mp3 y baxábalu al parque. Solía gusta-yos a los sos collacios, yera dalgo diferente, falaba del parque, les moces, el dineru, les drogues... Dallgo non mui normal per Galicia y España nestos tiempos. Les sos meyores influencies fueron el primu, Trad montana, y l'hermanu Mako.

   Empezó a conocése en toa España cuando sacó'l discu "21 gramos", yera'l cuartu que sacaba, taba super curráu, yera dalgo diferente, pero eso sí, siempre'l mesmu rap de la cai y lo que piensa de la sociedá, muyeres, la folixa... Na mio opinión, ye'l meyor raperu español que conozo. Los temes que personalmente más me presten son "súbelo" "21 gramos" y "bon voyage".

                          

                                

PREMIOS 40 PRINCIPALES

 
 Los premios 40 principales del 2014 fueron va unes selmanes, había un montón de nominaos, pero pocos fueron los ganadores.

El primer premiu foi'l  de meyor artista, los nominaos fueron;
-Leiva
-Antonio Orozco
-David bisbal
-Enrique Iglesias
-Malú
La ganadora d'esti premiu foi Malú, una importantisima cantante de pop.

El segundu premiu de la tarde foi'l d'artista revelación, los nominaos fueron:
-Dvicio
-Mr Kilombo
-Sweet Californía
-Lucy Paradaise
María Sagana
El ganador foi Dvicio, esti maravillosu home conquistónos a toos cola so voz.

El tercer premiu foi al meyor videoclip musical, los nominaos fueron :
-Maldita Nerea
-Dani Martín
-Enrique Iglesias
-Dvicio
-Auryn
El ganador d`esti premiu foi Enrique Iglesias cola canción que suena agora en tol mundu.

El cuartu premiu foi a la mejor canción, nominaos:
-Enrique Iglesias
-Leiva
-David Bisbal
-Antonio Orozco
-Malú
La ganadora d'esti premiu foi malú, yá va'l segundu premiu de la tarde, esta muyer arrasa.

El quintu premiu, al meyor álbum, tuvo como nominaos:
-X
-One direction
-Katty Perry
-Birdy
El ganaor foi X.

El sestu premiu foi a la meyor canción,  los nominaos fueron:
-Jason Derulo
-Miley Cyrus
-Avici
 El ganaor foi Jason derulo.

El séptimu premiu (meyor artista o grupu llatinu) tuvo como nominaos:
-Shakira
-Pitbull
-Jennifer López
-Riky Martin
-Wisin
El ganador d'esti premiu foi Wisin.

L'octavu premiu foi al meyor videoclip internacional, colos nominaos que siguen:
-Pharrell Williams
-Miley Cyrus
-Jason Derulo
-One Direction
 El ganador foi One Direction.