Ta protagonizada por Miguel Ángel Silvestre (Alberto) y Paula Echevarría (Ana).
La historia desarróllase nunes galeríes, un negociu familiar dedicáu a la moda propiedá del pá d'Alberto. Neses galeríes trabaya´l tíu d´Ana, que yera'l güeyu drechu del xefe. A Ana morriéron-y los sos pas de pequeña y el tíu tuvo que facese cargu d´ella.Viven nes galeríes toos xuntos. Ana y Alberto yá se gustaben de neños y cuando fixeron 16 años entamaron a salir, pero la so rellación taba mal vista pola diferencia de clases: Ana diba ser una simple costurera y Alberto un home de perres a cargu de les galeríes. Cuando los pillaron xuntos el pá d´Alberto mandólu a estudiar a Londres.
Años depués, cuando Alberto termina los estudios y vuelve a casa, Ana yá ye costurera de Velvet, una de les meyores, entós ellos danse cuenta de que siguen tan namoraos como siempre y vuelven a vese a escondíes.
El pá d'Alberto suicídase y Alberto hereda les galeríes, pero tamién hereda les deudes, nun teníen abondes perres. Nesi momentu, a Alberto nun-y queda otra que casase con una amiga de siempre que ta interesada nél porque'l so pá tien munches perres y pue ayudalu cola deuda.
Alberto taba namoráu d'Ana, pero les galeríes yeren lo único que tenía y amás ella anímalu a facelo. Non obstante, ellos siguen viéndose a escondíes, pero Ana dase cuenta de que nun puen siguir asina porque ella nun quier compartilu con otra muyer.
Depués de varios capítulos de tar xuntos, Alberto cásase ya intenta namorase de la muyer, pero nun ye quien a ello. Asoceden una riestra de socesos, apaez la verdadera ma d'Alberto, que resulta que nun taba muerta y que consigue salir de Cuba. Ella quier conocer al fíu porque taba mui enferma. Consíguilo y pasen dos meses increíbles xuntos, pero al final muerre.
La ma d'Alberto díxo-y que lluchara por Ana y él asina fixo y dexó a la muyer. ¿Cómo siguirá? ¿Quitarán-y a Alberto les galeríes por romper el tratu?
No hay comentarios:
Publicar un comentario