TARTA D'ABLANA

  Ingredientes:
 -200 g d'ablanes molíes
 -175 g d'azucre
 -100 g de mantequilla blandia
 -5 güevos
 -1 cuyaradina de vainillina.

 Preparación:
 Precaliéntase'l fornu a 180ºC.
 Bátense les yemes de güevu col azucre hasta que l'amiestu banquee.
 Sigue batiéndose y amestamos les ablanes molíes, la mantequilla y la vainillina. Entemecemos a velocidá fuerte hasta que tolos ingredientes tean bien integraos y se llogre un amiestu homoxéneu.
Móntense les clares a puntu de nieve con unes gotines de zumu de llimón o vinagre. Añadimos adulces les clares a la crema d'ablanes, entemeciendo con suavidá ayudaos d'una espátula. Tien de faese con movimientos envolventes pa que se baxen lo menos posible. Úntase un molde redondu, desmontable, con mantequilla y espolvoriamos con farina. Fórrase'l molde preparáu cola masa quebrao, xubiendo tamién pelos llaterales. Échase la crema d'ablanes nel molde.
 Dexamos nel fornu 50 minutos aprosimao. Al pinchala nel centru con una aguya llarga esta tien de salir llimpia.
 Déxase esfrecer nel molde enantes de desmoldar.

                                                    !!!!Y LLISTA PA COMER!!!!