TARTA DE QUESU

   Ingredientes:

- Galletes del tipu María, un paquete 

- Nata llíquido, un bote de 220ml

- Quesu cremosu (o frescu), 220 gramos

- Mantequilla tulipán, 120 gramos

- Xelatina, 3 llámines

- Mermelada de fresa

- Azucre,150 gramos

  Preparación:

 Esta ye una de les recetes más típiques pa faer la Tarta de Quesu, de xuru probaríes esta tarta más d'una vegada, si nun sabes cómo se fai pues deprender fácilmente colos pasos que te vamos describir de siguío.

  Vamos usar galletes de les tradicionales del tipu María, son les que tienen el meyor sabor pa esti tipu de tartes. De mano hai qu'esmigayar toles galletes hasta dexales convertíes casi en polvu. Pa ello podemos usar el métodu que prefieras, yo encamiento faelo col complementu d'esmigayar de la to batidora, cola picadora.

 Per otru llau, la mantequilla ye recomendable que nun la tengas guardada na nevera un par d'hores enantes de la preparación, porque a temperatura ambiente ta más blandia y fácil de trabayar. Cuando tengas les galletes esmigayaes, pásesles a un bol y améstes-yos la mantequilla dilida. Entemecer coles manos pa montar una masa con dambos ingredientes.

  Agora vamos coyer el molde que vaigamos usar, meyor si ye ún desmontable. Estendemos toa esta pasta de galletes y mantequilla pela base del molde. Intenta que tea bien compacta y estendida, yá que va ser la base de la nuesa Tarta de Quesu. De la mesma, tenemos que poner la xelatina nun vasu grande con agua pa que se vaya hidratando.

  De siguío, echamos la nata llíquido nun bol de tamañu apropiáu. Añadímos-y la xelatina una vegada tea hidratada y entemecemos dambes. Echamos esti amiestu al vasu de la batidora y amestámos-y el quesu cremosu (hai quien prefier quesu frescu)  y l'azucre. Batir perbién y vertemos esta masa sobre la base que tenemos yá nel molde.

Guarda'l molde na nevera siquier un par d'hores pa que cuaye totalmente la tarta. Cuando repares que yá cuayó, pues sacala y decorala con mermelada percima del sabor que prefieras. Acuta la to Tarta de Quesu na nevera hasta la hora de tomar.