ASTURIES, LA MIO TIERRINA

   Asturies ye una tierra máxica rodeada de playa y montaña, qu'amás d´unes fantástiques vistes y pueblos preciosos pa visitar, tien tamién una gastronomía inigualable:

   La fabada asturiana: ye dalgo típico d'equí, un alimentu que gusta a tol mundu, ye un platu con abonda grasa, pero mui esquisitu. Lleva chorizos, morcielles, tocín y suel echáse-y tamién el güesu del xamón.

   Les casadielles: son un postre mui apreciáu equí, l' ingrediente estrella son les nueces, consiste nuna masa que nun ye dulce que se rellena con una mezcla de nuez, azucre y anís. Puen freíse o facese al fornu.

  La mazana: ye un frutu que se da en munchos llaos, pero non como les que tenemos nosotros equí, y lo meyor de too, cómo les utilizamos, amás de pa facer postres, salses y mermelaes... con elles facemos SIDRA. La sidra pue ser dulce, que ta bien buena, o pues facela d'escanciar, esta tien alcohol, tamién sabe mui rica. Ye la nuestra bebida por escelencia.

  El arroz con lleche: nun tien muncha complicación, como diz el propiu nome lleva arroz y lleche, hai que cocinalo y cocelo con una rayadura de llimón y azucre. Cuando te fecho echa-y canela , o azucre requemao per enriba y ta bono bono...

   Los frixuelos: ye otru postre qu'equí tamién se come muncho y nun-y sal a naide como nos salen a los asturianos. Ye facer una masa con azucre, lleche, güevos, farina, azucre y llevadura, ye típico comelos en comadres o antroxu...